Annwyl rieni/ warcheidwaid, staff a disgyblion,

Y flwyddyn ysgol newydd yn cychwyn i blant ar ddydd Llun! Croeso nôl i bawb, a chroeso arbennig i'r disgyblion Newydd. Mae Cwricwlwm i Gymru newydd cyffrous yn dechrau y tymor yma ac mae`r crynodeb isod.

Clwb Brecwast – dechrau am 8yb yn y Neuadd.

Dechrau ysgol – 8.45yb. ac mae`r mynediad trwy`r drws y ffrynt am fynediad i`r ysgol os gwelwch yn dda.

Ymarfer corff – bydd ymarfer corff ar bob dydd Mawrth. Disgyblion i ddod yn eu gwisg ymarfer corff. Ni fydd gwersi nofio wythnos nesaf.

Crynodeb o’r Cwricwlwm i Gymru 2022   220209-canllaw-i-rieni.pdf (gov.wales)

Mae ein cwricwlwm wedi’i gyd-lunio drwy ymgysylltu a’r holl randdeiliaid a bydd yn bodloni’r gofynion canlynol:

Ein gweledigaeth

• Ysgol feithringar, hapus a chroesawgar
• Amgylchedd ddiogel, cefnogol a chynhwysol lle dethlir amrywiaeth ddiwylliannol a gwerthfawrogir gwahaniaeth.
• Awyrgylch ac ethos deuluol, cadarnhaol, parchus, caredig, brwdfrydig, positif, cyfeillgar gyda disgwyliadau uchel yn rhan allweddol.
• Ymdeimlad cryf o gymuned a phartneriaiethau.
• Hybu Cymreictod a balchder at Gymru a thu hwnt yn rhan annatod o’m bywyd a gwaith.
• Ysgol sy’n dathlu cyflawniadau ac yn ysgogi cariad at ddysgu ymhob aelod o o’r teulu gyda dysgwyr sy’n ganolog, yn cael profiadau a phlentyndod hapus gyda chyfleoedd i flodeuo a chyflawni hyd eithaf eu gallu a’u potensial.
• Rhoddir pwysigrwydd i addysgu a dysgu rhagorol drwy rhaglenni dysgu eang,cyfoethog, cyffrous ac i ddatblygu annibynniaeth, doniau ac hyder.
• Disgwylir gweld y safonau ymddygiad uchaf gyda pharch at eu hunain, at eraill ac at bethau.

Ein gwerthoedd:

Uchelgais a dyhead

Brwdfrydedd ac anogaeth

Caredigrwydd a pharch

Lles ac ymddiriedaeth

Ein cwricwlwm cynhwysol:

Bydd ein cwricwlwm yn codi’r dyheadau ar gyfer pob dysgwr. Fel ysgol rydym wedi ystyried sut y bydd pob dysgwr yn cael cymorth I wireddu uchelgeisiau a dyheadau’r pedwar diben, ac i symud ymlaen. Yr ydym wedi ystryried ein darpariaeth ADY a sut y byddwn yn diwallu anghenion gwahanol grwpiau o ddysgwyr.

Y Pedwar Diben

Y pedwar diben yw`r man cychwyn a`r dyhead ar gyfer cynllun cwricwlwm ein hysgolion. Nod ein hysgol yw cefnogi pob dysgwr i ddod yn:

Dysgwyr uchelgeisiol, galluog, galluog, yn barod I ddysgu drwy gydol eu bywydau;

Cyfranwyr mentrus, creadigol, yn barod I chwarae rhan lawn mewn bywyd a Gwaith;

Dinasyddion moesegol, gwybodus Cymru a`r byd;

Unigolion iach, hyderus, yn barod I fyw bywydau boddhaus fel aelodau gwerthfawr o gymdeithas.

Mae`r datganiadau cwricwlwm yn darparu cyfleoedd cyfoethog a phrofiadau dysgu dilys I ddatblygu`r cysyniadau, yr wybodaeth a`r sgiliau allweddol fel y`u disgrifir yn y datganiadau o`r hyn sy`n bwysig ac yn unol a`r Datganiadau o`r Hyn sy`n Bwysig.

Meysydd Dysgu a Phrofiad (MDaPh)

Bydd ein cwricwlwm yn darparu profiadau dysgu drwy`r 6 MDaPh o:

Ieithoedd, Llyhtrennedd a Chyfathrebu

Celfyddydau Mynegiannol;

Gwyddoniaeth a Thechnoleg;

Dyniaethau;

Mathemateg a Rhifedd;

Iechyd a Lles

Dysgu, Dilyniant ac Asesu

Bydd ein cwricwlwm yn cefnogi dysgu drwy gynllunio cyfleoedd dysgu sy`n defnyddio`r egwyddorion addysgeg.

Mae ein cwricwlwm, a gefnogir gan ddysgu ac addysgu effeithiol, yn galluogi dysgwyr I wneud cynnydd ystyrlon. Dros amser bydd ein dysgwyr yn datblygu a gwella eu sgiliau a`u gwybodaeth. Mae ein cwricwlwm yn canolbwyntio ar ddeall beth mae`n ei olygu I wneud cynnydd mewn maes neu ddisgyblaeth benodol a sut y dylai dysgwyr ddyfnhau ac ehangu eu gwybodaeth a`u dealltwriaeth, eu sgiliau a`u galluoedd, a`u priodoleddau a`u tueddiadau ac fe`i hysbysir gan yr egwyddorion cynnydd. Mae hyn yn ei dro yn cefnogi ein dull o asesu, a’i diben yw llywio’r Gwaith o gynllunio ar gyfer dysgu yn y dyfodol. Bydd asesu’n cael ei ymgorffori fel rhan annatod o ddysgu ac addysgu. Bydd pob dysgwr yn cael ei asesu wrth fynd i mewn i’r Ysgol.

Cymraeg

Fel Ysgol cyfrwng Cymraeg bydd dysgu yn digwydd yn y Gymraeg o’r blynyddoedd cynnar.

Sgiliau Trawsgwricwlaidd

Bydd ein cwricwlwm yn datblygu sgiliau trawsgwricwlaidd gorfodol llythrennedd, rhifedd a chymhwysedd digidol. Bydd ein cwricwlwm yn galluogi dysgwyr i ddatblygu cymhwysedd a gallu yn y sgiliau hyn ac i`w hymestyn a’u cymhwyso ar draw pob maes. Bydd y dysgwyr yn cael cyfleoedd ar draw'r cwricwlwm i:

Ddatblygu sgiliau gwrando, darllen, siarad ac ysgrifennu

Ddefnyddio rhifau a datrys problemau mewn sefyllfaoedd bywyd go iawn

Fod yn ddefnyddwyr hyderus o ystod o dechnolegau i`w help i weithredu a chyfathrebu’n effeithiol a gwneud synnwyr o’r byd.

Hawliau Dynol CCUHP/ CCUHPA

Bydd ein hysgol yn hyrwyddo gwybodaeth a dealltwriaeth o Ran 1 o Gonfensiwn y Cenhedloedd Unedig ar Hawliau’r Plentyn, a’r Confensiwn Unedig ar Hawliau Pobl ag Anableddau, ymhlith y rhai sy’n darparu dysgu ac addysgu.

Addysg Gyrfaoedd a phrofiadau sy’n gysylltiedig â byd Gwaith

Bydd ein cwricwlwm yn ymgorffori gyrfaoedd a phrofiadau sy’n gysylltiedig â Gwaith ar gyfer ein holl ddysgwyr.

Addysg Cydberthynas a Rhywioldeb (ACRh)

Byddwn yn helpu dysgwyr i ffurfio a chynnal ystod o gydberthnasau, i gyd yn seiliedig ar ymddiriedaeth a pharch at ei gilydd, yw sylfaen ACRh. Mae'r cydberthnasau hyn yn hanfodol i ddatblygiad lles emosiynol, gwydnwch ac empathi.

Canllawiau ar Grefydd, Gwerthoedd a Moeseg

Mae Canllawiau ar Grefydd, Gwerthoedd a Moeseg yn un o ofynion mandadol Cwricwlwm i Gymru ac mae'n orfodol i bob dysgwr o 3 i 16 oed.

Byddwn yn sicrhau bod ein cwricwlwm yn gynhwysol ac yn ymatebol, gan ddiwallu anghenion pob dysgwr.

Cofion cynnes,

M. Lewis